Eksperti, ktoryh vy vždy hoteli iměti na svojoj strani.
The experts you've always wanted on your side.
Tutu ilustraciju stvorila umětna inteligencija — i kako vidite, jest ona malo… umětna.
Zato pri vsem, čto dělajemo dlja vas, radše spoljegamo se na vlastny razum i izkušenje.
Dobro došli v Loewenland, kde počina vaše putovanje k transformaciji vašego podnikanja. My specializujemo se na upravljanje srcem i dušoju privatnyh, rodinnyh, malyh i srednjih podjetij i zabezpečujemo, že oni budut pripravjene na vyzovy zavtrašnjego dnja.
Od dolgoročnogo upravljanja firmoju do interimnogo vodstva i kriznogo upravljanja v nepredvidimyh krizah. Kogda osnovatelj naglo ne može prodolžati, kogda se tim razpada, abo kogda někto mora vzeti kormilo s hladnoju glavoju — pozovite nas. Iščete naslědnika i ne možete jego najti vnutri firmy? Pomogemo vam privesti kogo-to izvně, abo postupno vychovati jednogo iz vaših najbolših ljudi, i prědati podnikanje tak, aby slědujuče pokolěnje prěvzelo firmu bez izgub.
Prišel li čas odstupiti po mnogih lětah težkoj pracy? Prědanje jest više než pravny akt — jest to delikatny proces, ktory dotyka rodiny, rabotnikov i klientov. Pripravimo vaše podjetje na gladko prědanje, či ide o prědanje slědujučemu pokolěnju, prodaž strategičnomu partneru, abo privitanje sovsěm novogo vlastnika. Postaramo se o due diligence, pregovory i pravnu stranu — a najvažněje, o to, aby firma prodolžala fungovati i v den poslě vašego odhoda.
Učinimo vaše podnikanje odolnym proti prazdnotam v skladnosti — zaščita danyh (GDPR), trudovo pravo, firemna dokumentacija, dogovory, AML, kibernetična bezopasnost i mnoge druge oblasti, kde se zakonodavstvo pohyba brže, než jego možete slediti. Provedemo audit, zatvorimo prazdnoty, nastavimo proste vnutrišnje procesy i budemo věci daljej slediti, aby vas nikaka kontrola abo incident ne zastala nepripravjenyh.
Imate ideju i začetnu investiciju, ale budujete firmu prvi raz? Pomogemo vam prěobraziti vašu ideju v životnosposobno podnikanje — od prověrjenja tržišča, sostavjenja biznes-plana i finančnogo modela, preko najdenja prvih klientov, do nastavjenja procesov, ktore mogut prěžiti rast. Naučimo vas dělati dobre rěšenja v fazě, kogda vsako rěšenje znači najviše — i, nad vse, kako časom obejdti se bez nas.
Posiljujemo firmy, ktorym nedostaju silne razvojne timy abo svěži vněšnji pogled. Imate ideje, ale ne imajete kapacitet prěobraziti ih v prodažny produkt? Abo po lětah na tržišču ideje vysahnuli i vaš portfolio gubi svoju ostrinu? Pozovite nas — imajemo izkušenje s projektovanjem produktov i uslug od prvogo načrtka, preko prototipa, do uvedenja na tržišče, i vždy prinosimo svěže ideje, ktoryh nam nikogda ne nedostavalo.
Prinosimo vsaku príchuť marketinga, ktoru vaš izključny produkt potrěbuje — brend, pozicionovanje, web-stranica, kontent, performance kampanje, socialne medije, PR i offline aktivnosti. Pomogemo vam razuměti, kto jesu vaši istinni klienti i kako ih dosegnuti tak, aby vas vpravdu slyšali. Prodolžajte dělati to, v čem jeste vpravdu odlični; my zabezpečimo, aby ljudi, ktorym jest potrěbna vaša praca, o njej dozvěděli se.
Imajemo mnogo lět izkušenja s budovanjem i transformacijeju prodažnyh i servisnyh organizacij — od navrha servisnogo modela, definovanja rolij i motivacije ljudi, do vybora i uvedenja CRM, baz znanja abo klientskyh portalov. Jesmo majstri vo vvedenju sistemov i změn tak, aby ih timy vpravdu prijeli — i aby se staranje o klientov stalo konkurentnoju prědnostju, a ne samo neobhodnym zlom.
I najmali firmy mogut iměti vse v porjadku — koncentrujte se na to, čto dělajete najbolje, a papiry, kalendar i kontakt s klientami ostavte nam. Gubite se v GDPR, obaveznyh hlášenjah, računovodstvu abo trudovom pravě? Imate těžkosti najti rabotnikov? My znajemo put. Funguje to prosto: vy se koncentrujete na svoje remeslo abo svojih klientov, a my staramo se o vse ostalo — od prichodnej pošty i fakturacije do najma rabotnikov.
Hočete prenesti svoje podnikanje do Čehije, osnovati tut filial, abo najti lokalnogo partnera dlja svojego podnikanja — ale ne znate městne zakony i pravila? My ih znajemo. Pomogemo vam orientovati se v čehskom poslovnom prostředju — od osnovanja abo prilagodženja vašej firemnoj struktury, preko komunikacije s uradami i obchodnymi partnerami, do praktičnyh vprašanj každodennogo fungovanja.